Jenni Hermoso weer uitgelaat March 31, 2025

Jenni Hermoso is die derde agtereenvolgende keer uit Spanje se vrouespan gelaat vir volgende maand se Nasionale Liga-wedstryde teen Portugal. Afrigter Montse Tome sê dis ‘n sport-besluit en sy word nie gestraf oor die omstredenheid toe die gewese hoof van die land se Sokkerfederasie, Luis Rubiales, haar op die mond gesoen het nadat hulle 2023 se Wêreldbekertoernooi gewen het nie. Hermoso is in Oktober laas opgeroep. Sy speel gereeld vir die Mexikaanse span Tigres. Haar uitsluiting het vrae veroorsaak, aangesien die hofsaak teen Rubiales nou afgehandel is.