Black Coffee hou veiling om akademie te stigMarch 18, 2025

Die Grammy-bekroonde Suid-Afrikaanse DJ, Black Coffee, het vir sy 49ste verjaardag ‘n eksklusiewe veiling gehou om geld in te samel vir sy jongste projek, die Black Coffee-musiek-akademie. Die veiling het unieke items ingesluit soos ‘n beperkte uitgawe van ‘n Rolex en ‘n kunswerk van Nelson Makamo. Altesaam 3,1 miljoen Suid-Afrikaanse rand is ingesamel. Die musikant sê die akademie gaan musiekonderrig op tersiêre vlak aanbied wat onder meer musiekproduksie en die kommersiële aspekte van musiek insluit.