Kankervereniging bied ondersoeke vir net NT35!March 14, 2025

Terwyl Namibië 35 jaar van onafhanklikheid vier, bied die Kankervereniging van Namibië bekostigbare kankerondersoeke aan om vroeë opsporing te bevorder en lewens te red. Van 18 tot 20 Maart sal siftings vir servikale kanker, of Pap-smere, borskanker en prostaatkanker beskikbaar wees by die vereniging se hoofkantoor mediese sentrum in Windhoek-wes. Die inisiatief sal daagliks vanaf 8-uur die oggend beskikbaar wees vir die eerste 100 pasiënte. Vroue tussen 20 en 65 jaar oud en mans 40 jaar en ouer word aangemoedig om deel te neem. Deelnemers moet hul ID saambring, en vroue moet ‘n kamerjas of handdoek saambring. Kosmos 94.1 Nuus het gesels met Rolf Hansen, die Kankervereniging se uitvoerende hoof.