Pous op ventileerder om asem te haal

Pous Franciskus het oornag goed gerus, het die Vatikaan vanoggend gesê nadat die 88-jarige pous Maandag twee episodes van akute respiratoriese tekorte ervaar het. Dit het veroorsaak dat hy weer bystand van nie-indringende, meganiese ventilasie ontvang sodat hy kan asemhaal. Hy is op 14 Februarie in die hospitaal in Rome opgeneem en is nie weer in die openbaar gesien nie, sy langste afwesigheid sedert sy pousdom in Maart 2013 begin het. Sy dokters het nie gesê hoe lank sy behandeling kan duur nie.