BP maak ommekeer op ‘groen’ teikens

Britse energie-reus British Petroleum het ‘n ommekeer na hulle meer winsgewende olie- en gasbesighede gemaak. Hulle het hulle voormalige bedryf-leidende doelwitte om koolstofvrystellings te verminder en hulle belegging in skoonenergie drasties gesny. Die herstrukturering volg op ‘n moeilike handelsjaar vir BP wat onder druk is van beleggers om hulle aandeelprys te verbeter terwyl lande kyk om hulle vrystellings skerp te sny. Uitvoerende hoof Murray Auchincloss sê hulle verminder en wys kapitale-uitgawes toe aan hulle mees winsgewende besighede om groei te bevorder.