Sri Lanka verneder Australië in tweede eendagwedstrydFebruary 14, 2025

Krieket: Sri Lanka het Australië verneder in die tweede eendagwedstryd in Colombo en met ʼn allemintige 174 lopies gewen. Die gashere het in hulle 50 boulbeurte 281 vir vier aangeteken met Kusal Mendis 101 en kaptein Charith Asalanka ʼn onoorwonne 78. Die besoekers is daarna binne 25 boulbeurte uitgeboul vir 107 met kaptein Steve Smith se 29 die hoogste telling. Dunith Wellalage het vier paaltjies geneem en Asitha Fernando en Wanindu Hasaranga elk drie. Sri Lanka het die eerste eendagwedstryd met 49 lopies gewen.