Angola open bergingfasiliteit, kenners sê brandstoftekorte sal voortduur

Angola het die land se grootste brandstof bergingsfasiliteit geopen. Die Barra do Dande-terminaal het ‘n kapasiteit van 580 000 kubieke meter brandstof, maar kenners waarsku dat sonder raffinaderye, dat tekorte sal voortduur. Die terminaal kan uitgebrei word tot 728 000 kubieke meter en president João Lourenço het dit as ‘n groot stap vorentoe in die aanspreek van brandstoftekorte bestempel. Hy sê tekorte sal binne twee jaar, met die aanvang van bedrywighede van die Lobito-raffinadery, opgelos word. Namibië het ook toegetree tot die raffinadery by Lobito.