Iran sê Trump wil land op sy knieë dwing

Die Iranse president, Masoud Pezeshkian, beskuldig sy Amerikaanse ampsgenoot, Donald Trump, daarvan dat hy probeer om Iran “op sy knieë” te dwing, terwyl die land die 46ste herdenking van die Islamitiese revolusie vier. Iraniërs het van vroegoggend in openbare ruimtes regoor die land met popliedjies en patriotiese ballades begin bymekaarkom, om die stigting van die Islamitiese republiek en die omverwerping van sjah Mohammad Reza Pahlavi in 1979 te vier. In Tehran het hulle by die simboliese Azadi-toring vergader, wat “vryheid” in Persies beteken.