Palestyne jubel vir terugkeer, al is gebied verpletter

Tienduisende Palestyne het Maandag langs die hoofpaaie wat na noord-Gaza lei gestroom, jubelend om terug te keer huis toe na maande in tydelike skuilings. Hul terugkeer is die naweek vertraag, maar het voortgegaan nadat Hamas ingestem het om drie Israeliese gyselaars later vandeesweek te oorhandig en Israeliese magte begin onttrek het van ‘n hoofkorridor regoor die enklawe. Ongeveer 650 000 Palestyne is tydens die oorlog uit die noorde van Gaza verdryf. Meer as 47 000 Palestyne is dood in die Israeliese aanval op Gaza nadat Hamas Israel op 7 Oktober 2023 binnegeval het.