One Economy bied finansiële geletterdheidswerkswinkel aan

Die One Economy Foundation se Yo! Pillar bied van 12 tot 14 Februarie ’n finansiële geletterdheidswerkswinkel in Tsumeb aan. Die werkswinkel se tema is “Money Makeover” en het ten doel om waardevolle finansiële insigte aan mikro-entrepreneurs te verskaf. Slegs 50 plekke is beskikbaar en die sperdatum vir aansoeke is 4 Februarie. Mikro-entrepreneurs in Tsumeb word aangemoedig om gou aansoek te doen om hul plek by hierdie waardevolle geleentheid te verseker. Die konsultant en organiseerder van die geleentheid, Mbakumwa Tjaveundja, het met Kosmos 94.1 gesels.