Eerste, laaste spanne op SA20-punteleer meet kragte

Krieket: Die spanne bo- en onder-aan die SA20 se punteleer speel vanaand in die Paarl. Paarl Royals het reeds vir die uitspeelrondes gekwalifiseer nadat hulle ses van hulle vorige sewe wedstryde gewen het. Durban’s Super Giants is in die laaste plek nadat hulle slegs ʼn enkele wedstryd kon wen. Hulle het vyf verloor en twee was onbeslis. MI Cape Town is tans tweede op die punteleer, gevolg deur die verdedigende kampioen, Sunrisers Eastern Cape, Joburg Super Kings en Pretoria Capitals. Die eerste vier spanne dring deur.