Mexiko weier dat VSA-vliegtuig met immigrante land

Mexiko het ’n versoek van president Donald Trump se administrasie geweier dat ’n Amerikaanse militêre vliegtuig wat migrante deporteer in die land land. Amerikaanse militêre vliegtuie het Vrydag twee soortgelyke vlugte, elk met sowat 80 migrante, na Guatemala uitgevoer. Trump se administrasie het vroeër aangekondig dat hulle die program bekend as “Remain in Mexico” herbegin. Dit dwing nie-Mexikaanse asielsoekers om in Mexiko te wag tot hul sake in Amerika opgelos is. Mexikaanse president Claudia Sheinbaum sê Mexiko het nie ingestem daartoe nie.