Von Bach en Oanob neem nog water in

Von Bachdam het teen vanoggend omstreeks half-nege op 24,7 persent van kapasiteit gestaan met invloei wat oornag 52 000 kubieke meter water bygevoeg het. Sedert Donderdagoggend het die dam amper 500 000 kubiek ingeneem. By Rehoboth sê NamWater se jongste dambulletin dat Oanob nou op 32,1 persent staan en sedert Donderdagoggend 354 000 kubiek ingeneem het.