Britse tiener beken skuld op moord van 3 meisies

‘n Tiener het skuld beken op verlede jaar se moord op drie jong meisies wat die gewelddadigste onluste in Brittanje in ‘n dekade veroorsaak het. Die 18-jarige Axel Rudakubana het aan die begin van sy verhoor erken hy het die drie meisies met ‘n skerp voorwerp doodgesteek by ‘n Taylor Swift-dansklas in Southport. Die aanvalle het onluste ontketen in verskeie Engelse en Noord-Ierse dorpe en stede. Rudakubana is in Wallis gebore en sy ouers is van Rwandese oorsprong. Hy sal Donderdag gevonnis word.