Transito-rooftog op Gobabis van korte duur

Die Omaheke-polisie het bevestig dat ‘n transito-rooftog op Gobabis plaasgevind het. Kosmos 94.1 Nuus verneem dat ‘n silwer Volkswagen Golf met ‘n Grootfontein-registrasie ‘n sekuriteitsmaatskappy, gestel in Gobabis se transito-voertuig geteiken het. Die bande is stukkend geskiet en ‘n onbekende hoeveelheid kontant is gebuit. Die rowers het gevlug in die rigting van die dorp se informele nedersettings. Maar vinnige optrede deur owerhede het toegelaat dat die voertuig met sy insittendes aangekeer is. Die polisie sal later meer besonderhede, ook oor die kontant, verskaf.