Minstens 70 dood in tenkwa-ontploffing in Nigerië

Minstens 70 mense is in die noorde van Nigerië dood en baie meer beseer toe ‘n petroltenkwa ontplof het na dit omgeslaan het en brandstof gemors het. Die land se nasionale noodagentskap het gesê die ongeluk in die staat Niger volg op ‘n soortgelyke ontploffing in die staat Jigawa verlede Oktober wat 147 mense gedood het, een van die ergste sulke tragedies in Nigerië. Meer as 70 lyke is gevind en minstens 56 beseer met 15 winkels vernietig. Die tipe voorval is algemeen in die land met mense wat probeer om die brandstof wat uitlek te steel.