Bok-versterking vir Stormers in Parys

Springbokke Evan Roos en Joseph Dweba is in die opdrafspan van die Stormers vir die kragmeting vandag in Parys teen Racing 92 in die Kampioenebeker. Neethling Fouché sak saam met Dweba in die voorry. Saam met kaptein Salmaan Moerat in die tweede ry is Ruben van Heerden terwyl Willie Engelbrecht en Marcel Theunissen weerskante van die skrum sak met Roos op nommer 8. Daar is ʼn nuwe skakelpaar met die ervare Dewaldt Duvenhage en Jurie Matthee, met Clayton Blommetjies op heelagter. Afskop is tienuur vanaand.