Smith se verslag oor Trump kan vandag al bekend wees

Spesiale advokaat Jack Smith se verslag oor Donald Trump se vervolging op aanklagte dat hy probeer het om die 2020-verkiesing omver te werp, kan so gou as vandag openbaar word. Dit kom nadat ‘n federale regter ‘n laaste poging van Trump om te keer dat dit vrygelaat word, van die hand gewys het. Die uitspraak was die jongste wending in die agter-die-skerms pogings van Trump se regspan om die verslag te begrawe. Lede van die span is gevra om topposisies by die justisiedepartement te beklee wanneer Trump na die Withuis terugkeer. Die tweede deel van die verslag oor Trump se wanhantering van geklassifiseerde dokumente sal vertroulik bly tensy die distriksregter, Aileen Cannon, wat toesig gehou het oor daardie saak in Florida, ook toelaat dat daardie deel vrygestel word.