Bergklimmer se oorskot na 58 jaar gevind

Die oorskot van ‘n man wat naby ‘n Oostenrykse gletser ontdek is, is uitgeken as die van ‘n Duitse bergklimmer wat byna 60 jaar gelede dood is. Klimaatsverandering het die gletsers vinniger laat smelt en die minder ys het liggame van klimmers ontbloot wat reeds jare en dikwels dekades lank begrawe was. Die Duitse man se oorskot is verlede jaar in die Tirool-provinsie in die weste van Oostenryk ontdek. Hy is in Maart 1967 as vermis aangemeld nadat hy in ‘n skeur geval het terwyl hy saam met ‘n metgesel die Wasserfallferner-gletser op ski’s oorgesteek het.