Haaie berei voor vir fisiese kragmeting teen Toulouse

Rugby: Die Haaie se loskopstut Ox Nché sê hulle is deeglik bewus van die fisiese uitdaging wat die Franse span Toulouse Saterdag sal inhou in hulle Kampioenebeker-groepswedstryd in Durban. Die sesmalige kampioene Toulouse het die verdediging van hulle titel indrukwekkend afgeskop deur met Ulster en Exeter af te reken. Intussen het die Haaie Exeter met 39-21 gelooi maar met 56-17 teen die Leicester Tigers verloor. Nché sê hulle verwag ‘n taai stryd, met die skrum waar dinge beslis sal word weens ‘n nuwe reëlverandering wat skrumskakels meer beskerming gee.