Windhoek 34ste gevaarlikste stad ter wêreld, uit 380

Numbeo het sy jaarlikse misdaadindeks bekend gestel met ‘n lys van 380 stede regoor die wêreld. Pietermaritzburg in die buurland is die gevaarlikste stad ter wêreld met ‘n misdaadindeks van 82. Kort op sy hakke is Pretoria op 81,8 en Johannesburg op 80,8. Kaapstad het 73,7. Windhoek is 34ste geplaas op 66,9, gevaarliker as Bogota in Colombia op 66,4 en Chicago op 66,1. Die veiligste stad ter wêreld is Abu Dhabi in die Verenigde Arabiese Emirate op 11,6.