Shrek se Donkey is dood

Die donkie wat vermoedelik Eddie Murphy se karakter in die Shrek-rolprente geïnspireer het, is op 30 dood. Die miniatuurdonkie Perry het gely aan die pynlike hoefsiekte, laminitis. Perry is in 1994 gebore en het vanaf die ouderdom van drie in Barron Park in Palo Alto, Kalifornië, gebly. Die eerste Shrek-rolprent is in 2001 vrygestel en het ‘n Oscar vir beste animasie-rolprent gewen. Dit vertel die verhaal van ‘n eensame dierasie wat bevriend raak met ‘n pratende donkie met ‘n uitstekende sin vir humor. Donkies leef gewoonlik tussen 25 en 40 jaar.