Globes baan die weg vir Oscar-benoemings

The Brutalist het die toekenning vir beste drama-film gewen en Emilia Pérez die toekenning vir beste musiekblyspel of komedie. Ná die 82ste Golden Globe-geleentheid in Los Angeles lê daar vir albei films ʼn besige toekenningseisoen voor. Emilia Pérez het vier toekennings by die geleentheid opgeraap. Shōgun het vier toekennings in die TV-kategorieë gewen terwyl die komedie, Hacks, aangewys is as beste reeks en Jean Smart as beste akteur. Conclave, die opwindende verhaal oor die geheime proses om ʼn nuwe pous te kies, spog met die beste rolprent-draaiboek.