Druk verkeer weer vandag verwag op land se paaie

Druk verkeer is reeds Saterdag op die land se paaie aangemeld en sal na verwagting vandag voortduur soos vakansiegangers vanaf die kus en die Noorde terugkeer huis toe. Die polisiehoof, luitenant-generaal Joseph Shikongo, het bestuurders en padgebruikers versoek om oplettend en geduldig te wees wanneer hulle van hul vakansie af terugkeer. Hy het sy teleurstelling uitgespreek oor die aantal motorongelukke en sterftes wat gedurende die Kerstyd aangeteken is. Hy sê dat meer as 200 motorongelukke vanaf verlede week in die land aangeteken is, met 487 individue wat beseer is en 41 sterftes.