Alle oë op ons damme met voorspellings vir reën in opvangsgebiede

Alle oë is op die land se damme met goeie neerslae wat van vandag tot Sondag voorspel word. Beide die Okamita- en Okahandja-riviere het Donderdagnag geloop. Die riviere vloei na Swakoppoort. Von Bach Resorts sê ook daar was reënval maar dat daar nog nie inloop aangeteken is nie. Goeie neerslae word ook vir die Hardapdam en Oanob se opvangsgebiede voorspel en so ook rondom Keetmanshoop waar die Naute- en Neckartaldamme is. NamWater se volgende dambulletin word Maandagmiddag verwag.