Musk word Kekius Maximus, dryf meem-munte aan

Die wêreld se rykste man, Elon Musk, laat wonder almal ​​nadat hy sy naam op X na Kekius Maximus verander het. Die tegnologiemagnaat en vertroueling van die verkose Amerikaanse president, Donald Trump het geen onmiddellike verduideliking gegee oor sy nuwe profielfoto met die karakter Pepe the Frog nie. Die meem word gereeld deur verregse groepe gebruik. Musk se besluit het konsternasie in die wêreld van kripto-geldeenhede veroorsaak, wat die waarde van ‘n meem-munt, die hoogte laat inskiet het. Meem-munte word geïnspireer deur internet-meems. Musk het al in die verlede kriptopryse beïnvloed deur sy kommentaar op sosiale media.