Damme vertoon al swakker

Sentrale waterbronne is tans op 9,8 persent. Volgens NamWater se jongste dambulletin het Von Bach 161 000 kubieke meter water ingeneem en staan tans op 10,7 persent met Swakoppoort op 15,9. In die Ooste is totale bronne op 0,9 persent en Otjivero is ‘n skamele 1,5 persent vol. Hardap by Mariental het 5,5 persent water en 156 000 kubiek is in die afgelope week onttrek. Neckartal is 76,8 persent vol met amper 2,2 miljoen kubiek wat uitgepomp is vir boere onder die damwal. Naute het 30,2 persent en by Rehoboth is Oanob 30,7 persent vol.