Proteas ‘kan steeds Kampioenebeker wen’

Krieket: Die Proteas se witbal-afrigter, Rob Walter, glo hulle kan steeds die Kampioenebeker-toernooi wen ondanks die nederlaag van 3-nul in die eendagreeks teen Pakistan. Hy wys daarop sleutel-boulers was afwesig weens beserings of rus-protokol voor die belangrike reeks van twee toetse. Walter erken wel Suid-Afrika is uitoorlê in sleutel-oomblikke. Die Kampioenebeker-toernooi waaraan die gasheer, Pakistan, gaan meeding saam met die sewe beste lande in verlede jaar se Wêreldbekertoernooi, begin op 19 Februarie.