Twee sterf oornag in padongelukke

Ten minste twee mense is dood en verskeie beseer in twee motorongelukke gistermiddag en laat gisteraand. Die een was net buite Windhoek en die ander sowat 15km voor Rehoboth vanaf Windhoek. Gisternamiddag teen ongeveer half-sewe het ‘n vragmotor en ‘n ligte sedan op die B1 buite Rehoboth gebots. Een persoon is dood en verskeie is beseer. Die ander ongeluk was op die Sam Nujoma-rylaan op pad na Daan Viljoen net na die westelike brug. Een persoon is dood. Inligting is nog skraps.