Minstens 16 mense gewond na Houthi-projektiel Tel Aviv tref

Israel se weermag sê hy het misluk om ‘n “projektiel” te onderskep wat uit Jemen afgevuur is en in Tel Aviv geland het. Die nasionale mediese diens sê 16 mense is lig gewond. Jemen se Iran-gesteunde Houthi-rebelle het herhaaldelik missiele afgevuur op Israel sedert die oorlog in Gaza meer as ‘n jaar gelede begin het. Die meeste daarvan is onderskep. In antwoord het Israel talle plekke in Jemen geteiken, waaronder hawens en energiegeriewe, in gebiede wat deur die Houthis beheer word.