Soektog na Malaysia Airlines Vlug MH370 sal voortgaan

Maleisië se kabinet het ingestem tot ‘n nuwe soektog na Malaysia Airlines se Vlug MH370, wat tien jaar gelede geheimsinnig verdwyn het. Die Boeing 777 met 239 mense aan boord het op 8 Maart 2014 tussen Kuala Lumpur en Beijing van radarskerms verdwyn. Vervoerminister Anthony Loke sê die regering het ingestem dat ‘n maatskappy met kantore in Amerika en Brittanje, Ocean Infinity, mag voortgaan met die soektog in ‘n nuwe gebied van ongeveer 15 000 vierkante kilometer in die suidelike Indiese Oseaan.