Kiwis haal Engeland-aanvangskolwers gou uit

Krieket: Engeland het hulle aanvangskolwers, Ben Duckett en Zak Crawley, verloor in ʼn powere begin om ʼn hopelose wenteiken van 658 lopies te jaag op die derde dag van die derde toets teen Nieu-Seeland in Hamilton. Die besoekers was op 18 vir twee nadat Duckett en Crawley albei in die ses boulbeurte voor uitskeityd op dag drie hulle paaltjies verloor het. Nieu-Seeland soek nog agt paaltjies vir ʼn troos-oorwinning nadat Engeland die eerste twee toetse ingepalm het.