Trigon gesels oor verkoop van Kombatmyn 

Trigon Metals sê hy is in gesprek met Horizon Corporation Limited oor sy voorgestelde verkryging van Kombatmyn. Horizon het ‘n aankoopsprys van tussen 544 miljoen Namibiese dollar 908 miljoen dollar voorgestel, saam met beperkte tantièmes gekoppel aan toekomstige koperproduksie van die myn. Horizon het ‘n lening van 90 miljoen dollar aan Trigon voorgestel om die transaksie se evaluering en omsigtigheidsondersoek te ondersteun. Die lening sal in drie dele uitbetaal word. Die eerste, 9 miljoen dollar binne sewe dae ná ’n bindende ooreenkoms, dan 36 miljoen dollar in Desember 2024, en 45 miljoen dollar 45 dae later.