Farmers Meat se Noorweegse uitvoere vorder

Die Suider-Afrikaanse Ontwikkelingsgemeenskap het tans vasgestelde kwotas vir vleisuitvoere na Europa en Noorweë. Die kwota vir skaapvleis is 400 ton, waarvan Namibië se Farmers Meat alles lewer want Botswana se skaap-industrie is te klein. Die beesvleis-kwota is 3 200 ton, wat Namibië en Botswana gelykop deel. Kosmos 94.1 Nuus het gesels met Sven Thieme, die voorsitter en uitvoerende hoof van Ohlthaver en List, waaronder Farmers Meat val. Hy gee ‘n opdatering oor hulle uitvoere na Noorweë.