Huldeblyk aan oud-Krieket Namibië uitvoerende hoof, Peter Forster

Krieket Namibië het die afsterwe van Peter Forster, hul voormalige hoof uitvoerende beampte, op 16 November in die ouderdom van 64 jaar aangekondig. Die sportliggaam sê op sosiale media Forster se vriendelikheid, omgee en toewyding het ‘n blywende impak op almal gelaat. Forster het by Donovan Zealand oorgeneem as Krieket Namibië se uitvoerende hoof totdat hy in Junie 2019 uit die pos bedank het. Hy is deur Johan Muller vervang. Forster was ‘n gekwalifiseerde siviele ingenieur, maatskappy-eienaar, uitvoerende hoof en later sportadministrateur. Sy vrou, Carmen Forster, bring hulde.