Cyril stel implementering van sekere Bela-wetklousules uit

President Cyril Ramaphosa het die implementering van sekere klousules in die Wysigingswetsontwerp op Basiese Onderwyswette vir drie maande uitgestel om tyd in te ruim vir nog debatte. Die uitstel verwys spesifiek na klousules oor skooltoelating en taalbeleid. Ramaphosa het in sy toespraak tydens die ondertekeningseremonie van die wet by die Uniegebou in Pretoria gesê die uitstel verteenwoordig ʼn verbintenis om kwelvrae aan te spreek en om die samewerking van verskillende politieke partye te verseker voor die wysigings in werking tree.