TotalEnergies boor nuwe put in onverwagte stap

TotalEnergies verras met die nuus dat hy ‘n nuwe put in sy eksplorasie-gebied in die Oranje-bekken sal boor. Die Franse olie-reus het nuwe geologie ontdek, anders as die in sy Venus-ontdekking. Upstream Online berig aktiwiteite is op die oomblik redelik stil na ‘n oorvloed van byna onophoudelike boorwerk aktiwiteite sedert vroeg 2022 toe die eerste twee groot vondste onthul is. Die stap sal deur die regering verwelkom word omdat hy die nuusvloei aan die gang wil hou terwyl hy voorberei vir verdere boorveldtogte later vanjaar.