Europese besoekersgetalle vermeerder

Desember 2023 het aansienlike aktiwiteit in die gasvryheidsektor gesien, met 69 deelnemers oor verskillende streke, sê Simonis Storm in sy jongste verslag. Die maand, wat gekenmerk word deur feestelikheid, het altesaam 51 192 kamers aangebied, waarvan 19 942 beset was, wat ‘n landwye besettingsyfer van 38,96 persent tot gevolg gehad het. Kusgebiede het gedurende die feestydperk gelei in terme van kamerbesetting, gevolg deur die Suidelike en Sentrale streke. Deur die jaar was ongeveer 59,7 persent van alle gaste by gasvryheidsinstansies landwyd Europeërs, met ‘n noemenswaardige gedeelte van Duitssprekende lande. Dit verteenwoordig ‘n toename van die 51,5 persent wat in 2019 aangeteken is en 52 persent in 2022.