2024 Nedbank Namibian Newspaper Cup-finale vandag

’n Titaniese stryd word vandag in die 2024 Nedbank Namibian Newspaper Cup-sokkereindstryd verwag, wanneer Kavango-Oos vir Omusati in die Legare-stadion in Gobabis takel. Kavango-Oos het gasheerstreek Omaheke met 4-2 in ‘n strafdoelstryd verslaan om hulle plek in die finaal te bespreek. Omusati het met 1-0 oor Oshikoto geseëvier om ‘n plek in die eindstryd te verseker. In die netbaltoernooi kom die verdedigende kampioen, Khomas, in die eindstryd teen Oshana te staan. Khomas het Otjozondjupa met 41-19 in hul halfeindstryd geklop, terwyl Oshana vir Kavango-Oos met 33-30 in hul spannende halfeindstryd oorwin het.