Ierland mik na oorwinning oor Skotland

Rugby: Daar is een wedstryd vanaand in die Wêreldbeker tussen Italië en Frankryk in Lyon. ʼn Oorwinning vir die gashere sal die eerste plek in die groep verseker. Môre speel Wallis teen Georgiё, Engeland kom teen Samoa te staan en dan is daar die groot wedstryd tussen Ierland en Skotland. Die wedstryd sal bepaal wie in die groep word uitgeskakel – een van dié twee spanne, of die Springbokke. Ierland se afrigter, Andy Farrell, sê dit is ʼn massiewe wedstryd.