Verstappen wen Japanse Grand Prix vir Red Bull

Motorsport: Max Verstappen het ‘n groot stap vorentoe geneem na sy derde agtereenvolgende bestuurderstitel deur die Japanse Grand Prix te wen. Hy het ook Red Bull gehelp om die Formule Een-vervaardigerskampioenskap in te palm. Die weghol-kampioenskapvoorloper Verstappen het die McLaren-paar Lando Norris en Oscar Piastri getroef en kan nou sy derde agtereenvolgende jaerstitel by volgende maand se Katar Grand Prix inoes. Sy naaste teenstanders, Mercedes, kon nie bybly nie, met Lewis Hamilton wat vyfde was en George Russell sewende. Charles Leclerc van Ferrari was vierde, met sy spanmaat Carlos Sainz in die sesde plek.