Netbal: Proteas kom te staan teen Silwer Varings

Netbal: Die Proteas speel vanaand teen die verdedigende kampioen, Nieu-Seeland, op die Wêreldbekertoernooi in Kaapstad – ʼn wedstryd wat hulle moet wen. Die Silwer Varings is onoorwonne terwyl die Proteas een wedstryd teen Jamaika verloor het. Na Nieu-Seeland speel Suid-Afrika môre teen Uganda, maar indien hulle vandag verloor, sal die Proteas nie meer ʼn aanspraak op die kwarteindronde hê nie. Jamaika loop tans ver voor teen Trinidad en Tobago, en Sri Lanka speel vanaand teen Barbados.