Beeswagter ontdek menslike geraamte op Kalkfeld-plaas

‘n Menslike geraamte is deur ‘n beeswagter in die veld op die plaas Otjombonde in die Kalkfeld-omgewing in die Otjozondjupa-streek  ontdek. Die Namibiese polisie is ontbied en het die toneel besoek waar ‘n baie ou menslike skedel, asook beendere soos ribbes, bene, arms en ‘n ruggraat gevind is. Een swart plakkie van grootte ses en ‘n ou blou baadjie en onderklere van ‘n volwasse vrou is ook gevind. Die oorskot is na die Otjiwarongo-polisielykshuis gestuur vir verdere hantering. Polisie-ondersoek duur voort.