Rugby: Bulle wil Stormers pakslae gee

Rugby: Die Bulle sien uit na hul eerste Verenigde Rugbykampioenskap-oorwinning teen die Stormers wanneer die twee spanne mekaar vanmiddag net na vyf pak. Dit is bekend as die grootste stryd in plaaslike rugby en die kragmeting is ook  ‘n herhaling van verlede seisoen se VRK-eindstryd toe die Stormers met 18-12 geseëvier het. In vanmiddag se eerste derby verwelkom die Leeus die Haaie op Ellispark, om drieuur. Die terugkeer van die vleuel Werner Kok en die skrumskakel Grant Williams sal na verwagting die Haaie se vertoning ‘n hupstoot gee.