Verdagte vas met sigarette en drank

Die Namibiese polisie van die Oshikoto-streek het ‘n 28-jarige man in verband met onwettige drank en sigarette ter waarde van 173 600 Namibiese dollar in die Soweto-woonbuurt op Tsumeb in hegtenis geneem. Die polisie het beslag gelê op 13 bokse whiskey met 16 bokse sigarette met 5 000 sigarette in elke boks, wat vanaf Angola die land ingesmokkel is. Die verdagte sal na verwagting vandeesweek in die Tsumeb-landdroshof verskyn.