Elton John hoop om die naweek weer optredes te hervat

Die legendariese musikant Elton John sê hy verwag om teen die naweek voort te gaan met sy beplande optrede in Little Rock, Arkansas. Dit volg nadat hy twee konserte in Dallas, Texas, moes uitstel omdat hy positief getoets het vir Covid-19. Die konserte wat deel is van sy Farewell Yellow Brick Road-toer sou gister en vandag plaasvind. Die 74-jarige sanger wat ten volle ingeënt is en ‘n versterkdosis gekry het, sê hy het tans net matige simptome. John het kaartjiehouers verseker nuwe konsertdatums sal binnekort aangekondig word om die optredes in Dallas te herskeduleer.