10 sterf in Limpopo-busongeluk

‘n Ondersoek is aan die gang na die dood van tien mense in ‘n busongeluk gisternag by Makhado in Limpopo. Die bus was van Zimbabwe onderweg na Johannesburg toe die ongeluk omstreeks middernag gebeur het. Phuti Lekganyane van Limpopo se Departement van Vervoer en Gemeenskapsveiligheid sê die slagoffers – vyf mans en vyf vroue – was volgens berigte almal buitelanders.