Wes-Kaapse premier teleurgestel dat Cele steeds polisieminister is

Die Wes-Kaapse premier Alan Winde sê hy is teleurgesteld dat die minister van polisie, Bheki Cele, sy pos behou na President Cyril Ramaphosa se kabinetskommeling. Drie ministers is vervang: Lindiwe Sisulu, Nathi Mthethwa en Maite Nkoana-Mashabane, asook Phumulo Masualle, wat adjunkminister van openbare ondernemings was. Winde sê Cele het bewys hy het geen begeerte om misdaad te beveg of veiliger gemeenskappe in die provinsie te skep nie.