Wêreld se oudste laerskoolleerder sterf in Kenia

Die vrou wat glo die wêreld se oudste laerskoolleerder was, is vreedsaam in haar huis in Kenia oorlede. Die 99-jarige Priscilla Sitienei en haar 12-jarige klasmaats het hulle voorberei vir hulle eindeksamens wat volgende week begin. Haar doel was om jong moeders aan te spoor om terug te keer skool toe. Sitienei se verhaal het ‘n rolprent geïnspireer en die Verenigde Nasies se kultuur- en onderwysagentskap Unesco het dit geloof. Sy het in Kenia grootgeword wat toe deur Brittanje beset was en het die land se stryd om onafhanklikheid deurgemaak.