Voedselpryse styg verder volgens jongste syfers

Inflasie is op met die Julie-syfer wat op 6,8 persent gemeet is teenoor 6 persent wat in Junie aangeteken is. Olies en vette het met 26,5 persent duurder geraak met vrugte kort op hul hakke op 24,5 persent. Avokado’s is op met 117,8 persent teenoor 23 persent in Julie 2021. Suiker en suiker-produkte is 9,2 persent duurder met brood en grane wat 8,9 persent op is. Tee en koffie is 8,3 persent duurder en koeldrank 7,7 persent. Melk, kaas en eiers is op met 7,6 persent en vis met 6,8 persent.